ОшМУда Сонунбүбү Кадырованын поэзия кечеси өттү

Ош мамлекеттик университетинде акын, журналист Сонунбүбү Кадырованын чыгармачылыгына арналган поэзия кечеси өттү. Кечени окуу жайдын илимий иштер боюнча проректору Таасилкан Жумабаева ачып, акын жөнүндө кеңири маалымат менен тааныштырды жана анын ырларынан көркөм окуп берди. Акындын тарбия, мекен, сүйүү тууралуу жазылган ондогон ырлары окулду. Чыгармачылыкка кызыккан жаштар чогулган кечеде кызыктуу суроо-жооп жүрүп, акын өзүнүн ырларынан окуп, айрым обондуу ырларын да аткарып берди.