СУПЕРСТАН: "Мен интернет жок эки, ашып кетсе үч саат араң чыдайт болушум керек"

SUPER.KG порталынын "Суперстан" бөлүмүндө "Интернетке канча убакыт кирбей коё аласыз?" деген тема талкууга алынууда.

Темадагы билдирүүлөр:

"Кечээ күнү интернетке 24 саат кирбей койдум. Жашоодо бир топ өзгөрүү болгонун байкадым. Айлана-чөйрө жашылга боёлуптур, түркүн куштар сайрап, аалам көркүнө чыгып калыптыр. Бир туугандарымдын балдары да чоңоюп калыптыр, алар менен сүйлөштүм. Кыскасы, интернетсиз жашоо жакшыдай сезилди, бирок кайра кирип алдым".

"Интернет жок чыдай албайм го дегем, бирок 2-3 ай чыдагам. Баары эле жакшы, болгону көп жаңылыктардан артта калат экенсиң".

"Мен интернетти алыстагы адамдарым менен сүйлөшүү, баарлашуу үчүн колдоном. Интернети жок бир ай чыдасам керек, бирок кирбей деле коё алам".

"Мен интернет жок эки, ашып кетсе үч саат араң чыдайт болушум керек".

"Интернетсиз 3 ай жашай алам деп айта алам. Дайыма интернетте отурганым менен, андан көз каранды эмесмин. Ансыз деле виртуалдык жашоодо күтүп турган досторум жок".

"Акыркы жолу интернетсиз 10 күн жүрдүм, байланыш жоктон эмес, өзүмдү чектегенден, эс алгым келгени үчүн... Муктаждык деле туюлган жок. Мага окшогон интроверттерге өз дүйнөсүнүн тынчтыгы көбүрөөк маанилүү болсо керек деп ойлойм".

"Интернет эмес, көп убакыт телефонсуз жүрө алат экенмин. Азыр үйдө болгонума байланыштуу интернетти колдонууга туура келет, ал менин ашканадагы кеңешчим десем жаңылышпайм".

Талкууга кошулгуңуз келсе, бул жакка кириңиз.