Жол-патрулдук милициясынын коштоп жүрүү кызматы акысыз ишке ашырылат

Милициянын коштоп жүрүү кызматы акысыз ишке ашырылат. Бул тууралуу Жол-патрулдук милициясынын басма сөз кызматынын ага тескөөчүсү Тилек Оторов билдирди.

"Эгерде мамлекеттик маанидеги иш-чаралар болсо, ага эч кандай акы төлөнбөйт. Мында жол чыгымдары кайсы милиция кызматы коштоп жүрсө, ошол милиция бөлүмүнүн эсебинен каралат. Коштоп жүрүүгө бардык эле патрулдук милиция кызматкерлери чыга алышпайт. Бул кызматка атайын Жол-патрулдук милициясынын жол кыймылын көзөмөлдөөчү тескөөчүлөрү гана чыга алышат", - дейт ал.

Белгилей кетсек, милициянын коштоп жүрүү кызматы атайын кызмат эмес. Бул жумушту аткаруучулар атайын окуудан да өтүшпөйт. Мындай жумуш чыкса, иш үстүндө коштоп жүрүүнүн тартиби менен аткарып кете беришет.

"Окуучуларды лагерге же атайын иш-чараларга алып барууда алгач тийиштүү жетекчилик кат аркылуу кайрылат. Ага эч кандай төлөм каралган эмес. Кайрылган тарап коштоп жүрүүчү унаалардын күйүүчү май акыларын гана төлөйт. Ал эми спортчуларды коштоп жүрүү тартиби да ушундай каралган", - деп билдирди Оторов.