Электр тарифин аныктоо милдети тармактык агенттикке жүктөлөт

Жогорку Кеңеште “Энергиянын кайра жаралуучу булактары жөнүндө” Кыргыз Республикасынын мыйзамына өзгөртүүлөрдү киргизүү тууралуу” мыйзам долбоору каралып, үчүнчү окууда добуш берүүгө жөнөтүлдү.

Өкмөттүн берген маалыматына караганда, мыйзам долбоорунда Кыргыз Республикасынын аймагында энергиянын кайра жаралуу булактарынын жардамы аркылуу иштелип чыккан электр энергиясынын тарифин аныктоо милдети Отун-энергетика комплексин жөнгө салуу боюнча мамлекеттик агенттикке жүктөө демилгеси камтылган.

Өкмөт өкүлү муну энергиянын кайра жаралуучу булактары жаатында ыкчам чечимдерди кабыл алуу зарылдыгы менен түшүндүрдү.