Качкындар менен иштөө тартиби жөнүндө жобого түзөтүүлөр киргизилет

Бүгүн, 29-июнда Жогорку Кеңештин жыйынында “Качкындар жөнүндө” Кыргыз Республикасынын мыйзамына өзгөртүүлөрдү киргизүү тууралуу” мыйзам долбоору 3-окууда каралды.

Мыйзам долбоору “качкындар деп таануу жөнүндө өтүнүч кылган адамдардын шашылыш жапырт келиши” жөнүндө түшүнүгүн киргизүү жана качкындар менен иштөө тартибин, алардын келүү орундарын жана аларды кармоо шарттарын аныктоо боюнча өкмөттүн укуктук мыйзам чыгаруусун шарттоо максатында иштелип чыккан.

Мыйзам долбоору аркылуу Кыргыз Республикасындагы качкындар менен иштөө жөнүндө жобого тиешелүү өзгөртүүлөр жана толуктоолор киргизилет. Тагыраак айтканда, качкындардын келүү жайлары жана аларды кармоо шарттары боюнча, ошондой эле качкын статусун берүү жөнүндө өтүнүч билдирген Кыргыз Республикасынын аймагына шашылыш жапырт келген адамдардын жана ушул учурда мамлекеттик органдардын иштөө тартиби боюнча ченемдери жободо каралуусу мерчемделет.

Мыйзам долбоору 3-окууда добуш берүүгө жиберилди.