Кыргыз улуттук медициналык академиянын ректорун окуу жайдын кызматкерлери шайлоодо

И.Ахунбаев атындагы Кыргыз улуттук медициналык академиясынын ректорун шайлоого аталган окуу жайдын кызматкерлеринин 90 пайызы келди. Бул тууралуу бүгүн, 30-июнда кыргыз өкмөтүнүн алдындагы Мамлекеттик юридикалык академиянын ректору Канат Керезбеков билдирди.

"Медициналык академиянын ректорун шайлоого кызматкерлер активдүү катышып жатышат. Шайлоо тынч, таза, акыйкат өтүүдө. Башында 2 талапкер каттоодон өткөн болчу. Айрымдары талапкерликтен баш тартышты. Учурда 7 талапкерди тандоо иши жүрүп жатат", - деп билдирди Керезбеков.

"Шайлоо демократиялуу нукта өтүп жатат. Эң негизгиси, татыктуу адамды шайлап алсак деп турабыз. Шайлоонун жүрүшү жогорку деңгээлде уюштурулган. Азыркы учурда кызматкерлердин 90 пайызы шайлоого келди", - деп билдирди Кыргыз улуттук медициналык академиянын госпиталдык хирургия кафедрасынын доценти Жакыпбек Абдуллаев.

"Шайлоо ачык жана мыйзам чегинде, жогорку деңгээлде уюштурулуп жатат. Алгачкы максатыбыз -Медициналык академиянын билим берүү сапатын жогорулатуу", - дейт талапкер Ишенбек Сатылганов.

Эскерте кетсек, Кыргыз улуттук медициналык академиясынын мурунку ректору Аширалы Зурдинов кызматынан өз каалоосу менен кеткен.