"Тазалык" ишканасы борбор калааны көрктөндүрүү иштерин улантууда

Мэрияга караштуу "Тазалык" ишканасы борбор калааны көрктөндүрүү иштерин улантууда. Аталган ишкананын жумушчулары таң эрте чөптөрдү чабуу, шаар көчөлөрүн иретке келтирүү жана жолдорду жууп-тазалоо иштерин жүргүзүп жатышат. Бул тууралуу Бишкек шаардык мэриясынын басма сөз кызматы бүгүн, 30-июнда билдирди.

"Учурда ишкананын кызматкерлери чөптөрдү тазалоо жана жашыл чөп тосмолорун кыркуу боюнча Бишкек шаарындагы Медеров, Тыныстанов, Москва, Горький, Чолпон-Ата, Орозбеков, Жибек-Жолу, Токомбаев, Байтик баатыр көчөлөрүндө иштеп жатышат. Шаар көчөлөрүн жууп-тазалоо үчүн 9 суу чачып жуучу унаалар чыккан. Ошондой эле штаттык режимде таң эрте "Тазалык" ишканасынын көчө шыпыруучулары иштеп жатышат", - деп айтылат маалыматта.