4-июлда Коргоо кеңешинин кезектеги жыйыны болот

Мамлекет башчы Алмазбек Атамбаевдин төрагалыгы астында 4-июль күнү Кыргыз Республикасынын Коргоо кеңешинин кезектеги жыйыны болот. Бул тууралуу президенттик аппараттан билдиришти.

Жыйында төмөндөгү маселелер каралат:

1. Кыргыз Республикасынын укук коргоо органдарын реформалоо боюнча чаралар жөнүндө;

2. Азыркы шарттарда республикада миграциялык процесстерди жөнгө салуу боюнча чаралар жөнүндө.

Жыйын жабык режимде өтөт. Анын жыйынтыктары боюнча Кыргыз Республикасынын Коргоо кеңешинин катчысы Темир Жумакадыров журналисттерге брифинг өткөрөт.