Токтогул районунда ири өлчөмдө баңгизат менен жергиликтүү тургун кармалды

Жалал-Абад облусунда ири өлчөмдө баңги зат алып жүргөн жаран кармалды. Бул тууралуу аталган облустун ИИБинин маалымат кызматы билдирди. Айта кетсек, 30 килограмм баңги заты менен Токтогул районунун тургуну кармалды. Укук коргоо кызматкерлери атайын санкциянын негизинде аталган жарандын үйүнө тинтүү жүргүзүшкөн. Учурда бул факты боюнча кылмыш иши козголуп, кылмышка шектүү жаран убактылуу кармоочу жайга киргизилди.