Футбол боюнча өлкө чемпиондугунда "Дордой" клубу "Алганы", "Алай" Ош шаарында "Абдыш-Атаны" утуп алды

2-июлда футбол боюнча өлкө чемпиондугу - ТОП-Лиганын кезектеги турунда 3 беттеш орун алды. Анда бишкектик "Алга" сезондо алгачкы жолу жеңилүүгө туш болду. Ал эми калган 2 оюнда үй ээлери утуп чыгышты. Оштун "Алай" футболдук клубу канттык "Абдыш-Ата" менен беттеште эч кыйынчылыксыз 3 упай ала алды.

Бул оюндардан кийин ТОП-Лиганын мелдеш жадыбалында өзгөрүү болду. Бардык командалар 12ден оюн өткөрүштү. Буга чейин 1-орунду ээлеп келген "Алга" акыркы 2 оюнда болгону 1 упай алып, 3-орунду ээлеп турат.

Оюндардын жыйынтыктары:

"Кара-Балта" (Кара-Балта) - "Ала-Тоо" (Нарын) - 2:1

"Алай" (Ош) - "Абдыш-Ата" (Кант) - 3:0

"Дордой" (Бишкек) - "Алга" (Бишкек) - 2:1

Мелдеш жадыбалы:

1. "Дордой" (Бишкек) - 29 упай

2. "Алай" (Ош) - 29 упай

3. "Алга" (Бишкек) - 27 упай

4. "Абдыш-Ата" (Кант) - 16 упай

5. "Алдиер" (Куршаб) - 7 упай

6. "Кара-Балта" - 7 упай

7. "Ала-Тоо" - 6 упай