Бишкек-Ош унаа жолу бир тараптуу ачылды, шагыл аралаш таш түшкөн жер тазаланууда

Бишкек-Ош унаа жолундагы шагыл аралаш таш түшкөн жер тазаланууда. Бул тууралуу бүгүн, 7-июлда Өзгөчө кырдаалдар министрлигинен билдиришти.

Маалыматка караганда, бүгүн түнү саат 00:30 чамасында Бишкек-Ош унаа жолунун 421-чакырымында жаан-чачындын кесепетинен болжол менен 10 миң метр куб шагыл аралаш таш түшүп, жол каттамы убактылуу жабылган. Кара-Көл шаарынын жол-тейлөө ишканасынан 1 жүктөгүч тартылып, саат 02:30 чамасында жол каттамы бир тараптуу ачылган. Адам өмүрүнө зыян алып келген эмес. Учурда тазалоо, кеңейтүү иштери уланууда.