Борбор калаадагы үйлөрдүн бирин тоноого кирген белгисиз 4 жаран үй ээсин жана 2 уулун бычактап, изин жашырып кетти

Борбор калаадагы үйлөрдүн бирин тоноого кирген белгисиз 4 жаран үй ээсин жана 2 уулун бычактап, изин жашырып кетти. Бул тууралуу бүгүн, 7-июлда SUPER.KG порталына күч органдарындагы ишенимдүү булактар билдиришти.

Маалыматка ылайык, окуя 6-июль күнү таңкы саат 04:30 чамасында борбордогу Тынчтык жаңы конушундагы үйлөрдүн биринде орун алган. Анда К.Ү. аттуу үй ээси намаз окууга даярданып жаткан учурда үйүнүн 1-кабатынан бирөөлөрдүн үндөрүн уккан. Бөлмөсүнөн чыккан үй ээси 2-кабатка чыгуучу тепкичтен беттерине медициналык бет кап кийген, болжол менен 20-25 жаштар чамасындагы белгисиз 4 жаранды көргөн. Үйдү тоноого киргендер үй ээси менен мушташып, аны бычактап. Кийин өз бөлмөлөрүнөн жардамга чуркап чыккан 26 жана 21 жаштагы уулдарын бир нече жолу бычактап, изин жашырып кетүүгө үлгүрүшкөн.

Учурда жабырлануучулар ооруканада, бул факт боюнча кылмыш иши козголуп, кылмышка шектүүлөрдү издөө иштери жүрүүдө.