Супер-Инфо
super.kg видео
Чаткалдын Терек-Сай мектебинин мугалимдери "сабалды" делген окуучунун ата-энесин айыпташууда
Жалал-Абад облусунун Чаткал районуна караштуу Терек-Сай айылында мектеп мугалими менен ата-энелердин биринин чатактагы басыла элек. Буга чейин "баламды мектепте мугалими урду" деп Айчүрөк Аманбаева аттуу жаран SUPER.KG порталына кайрылган эле. Айыпталып жаткан мугалим Нуриза Урустемова ата-эне тарабынан айтылгандарды четке кагууда. Мектеп мугалимдери бул окуяда мугалимдин күнөөсү жок экенин айтып жатышат. Терек-Сай орто мектебинин башталгыч класстарынын мугалими Самара Ташматова бүгүн, 7-июлда буларды айтты:
"Окуучуну китепканада сабап, партага башын сүздүргөн" деп жалган маалымат таратып мугалимдин аброюна шек келтиргени үчүн Айчүрөк Аманбаеваны жоопко тартыш керек. "Сабалды" делген окуучуга кээде мен да сабак өтүп жүргөм. Тартиби начар, класстагы окуучулар менен да тил табыша албайт, сабактарга даярданбай келет. Кыскасы, мугалимди кыйнаган окуучулардын бири. Ата-энеси да анын билим алуусуна кайдыгер. Бала үйүнөн токмок жеп, мектепке денеси көк ала болуп келген учурлары кездешкен. "Мугалим Нуриза Урустемова окуучуну сабады" деген сөздөр жалган, муну окуучулар да тастыктап бере алышат".
Мектептин окуу-тарбия иштери боюнча бөлүмүнүн башчысы Гүлмира Шералиева, социалдык адиси Анара Базарова да ушундай пикирде экенин билдирди.
0
Мен окуучуну мугалим урганына каршы болбойм. Тапшырма аткарбай, же тартип бузса ура берсин.
Биякта эч ким урбайт теппейт, баланы канчалык уруп согуп үйрөтсөң ал сабактан эмес соккон мугалимден качат. Биякта балаг четтен көз салат эмне менен алек болот көбүнчө? Бирөө ырдайт, бирөө сүрөт тартат, бирөө ойлоп табат. Ошолорду эске алып баланын өөрчүшүнө жардам беришет макташат, бала ан сайын күчөп ишин мыкты аткарганга аракет кылат. Кыргызстанда, унижайтетип, башка көзгө чаап, ата тегинен өйдө сөгөт.
Мен уруп согуп окутам.
Сен мактап, алдап окутам деп.
Кимсинин окуучусу сабактан калбай мыкты окуур экен.