Бишкек шаарынын айрым дарыгерлеринин айлыктарына 1500 сом кошулду

Бишкек шаарынын айрым дарыгерлеринин айлыктарына 1500 сом кошулду. Бул тууралуу SUPER.KG порталына Саламаттыкты сактоо министрлигине караштуу пландоо жана каржылоо бөлүмүнүн жетекчиси Мира Жоробекова бүгүн, 7-июлда кабарлады.

Маалыматка ылайык, Бишкек шаардык мэриясынын бул демилгесин 30-июнда өткөн жыйында Бишкек шаардык кеңеши колдоп берген.

"Бишкек шаарында иштеген педиатрлардын, неанатологдордун, реаниматологдордун жана анестезиологдордун айлык акысына 4 миң сом өлчөмүндө кошумча акча төлөнөт. Буга чейин 2500 сом төлөнүп келсе, эми дагы 1500 сом кошулду. Биздин жумушубузду түшүнүп, ушундай колдоо көрсөткөндөргө ыраазычылык билдиребиз", - дейт Мира Жоробекова.

Дарыгерлердин айлыгына кошумча төлөм шаардын бюджетинен төлөнмөкчү. Учурда "Тез жардам" кызматынын кызматкерлери 13 миң сом алышса, эми 14 500 алып калышат. Кошумча төлөм ушул жылдын июль айынан тарта төлөнө баштайт.