Чүй облусунда 16 жаштагы Элиза Сулайманова изделүүдө

Чүй облусунун Москва районунда 16 жаштагы Элиза Сулайманова изделүүдө. Ал 29-июнь күнү саат 11:00дө Беловодск айылындагы үйүнөн чыгып кеткен боюнча дайынсыз.

Чүй облустук ички иштер башкы башкармалыгынын бүгүн, 7-июлда берген маалыматына караганда, Элиза Сулайманованын бою 160-165 сантиметр, көзү, чачы кара түстө. Үйүнөн кеткен күнү ал көк түстөгү жынсы шым, кара түстөгү бут кийим, боз кофта кийип жүргөн. Көргөн-билгендер (0312) 43-01-27, (0550) 22-17-17, (0701) 15-85-81 телефон номурлары аркылуу кабарлап коюшса болот.