Супер-Инфо
super.kg видео
Бишкек-Ош унаа жолунда шагыл аралаш таш түшкөн жер толук тазаланып бүттү
Бишкек-Ош унаа жолунда шагыл аралаш таш түшкөн жер толук тазаланып бүттү. Бул тууралуу бүгүн, 8-июлда Өзгөчө кырдаалдар министрлигинин басма сөз кызматы билдирди.
Маалыматка караганда, 6-июлдан 7-июлга караган түнү Бишкек-Ош унаа жолунун 421-чакырымында жаан-чачындын кесепетинен болжол менен 10 миң метр куб шагыл аралаш таш түшүп, жол каттамы убактылуу жабылган. Кара-Көл шаардык жол-тейлөө ишканасынан 1 жүктөгүч тартылып, саат 02:30 чамасында жол каттамы бир тараптуу ачылса, саат 16:30да жол толук тазаланып бүткөн. Учурда жолду кеңейтүү иштери жүрүп жатат.
Айта кетсек, кечээ "ЭЛДИК КАБАРга" окурман кайрылып, Бишкек-Ош унаа жолунун 410-чакырымында жол кыймылы токтоп, унаа тыгыны жаралганын айткан эле.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.