Француз режиссёру Бенжамин Мартини туристтерди Кыргыз жерине келип эс алууга чакырат (видео)

Кинорежиссёрдук эмгек жолун жаңы баштап жаткан франциялык Бенжамин Мартини Кыргыз жеринин кооздугу тууралуу алгачкы дебюттук фильмин жарыялап, туристтерди Кыргыз жерине келип эс алууга үндөгөн.

"Менин жаңы эмгегим тууралуу эмне айта аласыздар? Сиздер байкагандай, фильм мурунку эмгектеримден айырмаланат, себеби Кыргыз жеринин керемет кооздугу жана жаратылышы мага өзгөчө дем берди. Кыргыз жери тууралуу тасмамды болушунча сырдуу жасоого аракет кылдым", - деп жазган Бенжамин Мартини.

Кыргыз жеринде туура бир ай жүргөн Мартини дебюттук тасмасын "Кыргыз жеринде эки жума" деп атаган. Режиссёрдун айтымында, Кыргыз жерине келүүнүн 5 себеби бар. Алар: арзан баалар, Кыргыз элинин меймандостугу, даамдуу улуттук тамактар, бай маданият жана жаратылыштын чексиз кооздугу.

Бенжамин Мартини Француз кинематография мектебинин бүтүрүүчүсү, анда саякатка багытталган тасмаларды тартууга басым жасалат.