Иранда өтчү эрежесиз мушташ боюнча мелдеште 3 кыргыз мушкери 8 бурчтукка чыгат

Бүгүн, 11-июлда Ирандын Керманшах шаарында эрежесиз мушташ боюнча эл аралык мелдеш орун алат. WEF PROFFIGHT-5 "Persian Warriors" деген аталыштагы мелдеште Иран, Ирак, Казакстан, Кыргыз Республикасы, Ооганстан, Өзбекстан сыяктуу мамлекеттердин спортчулары күч сынашмакчы.

SUPER.KG порталына Дүйнөлүк Эр таймаш федерациясынын президенти Руслан Кыдырмышев кабарлагандай, анда кыргыздын намысын 3 мушкер коргойт. Нурлан Токтобакиев 93 килограмм салмакта ирандык Вадих Корманджири менен беттешет. Самат Эмилбеков 77 килограмм салмакта Фарзада Жадериге каршы турса, Бусурманкул Абдибайт уулу 66 килограмм салмакта Реза Разави менен 8 бурчтукта күч сынашат.

Беттеш алдында спортчулардын салмагын өлчөө аземи орун алды.