Мамлекеттик матрезерв фондунун 2010-2011-жылдардагы карызы 1 миллиард 266 миллион сомду түзгөн

КРнын Эсептөө палатасы Мамлекеттик материалдык резерв фондунда коррупциялык иштер болгонун аныктады. Бул тууралуу бүгүн, 8-апрелде ЖКнын Бюджет жана финансы боюнча комитетинин жыйынында аталган палатанын аудитору Жусуп Иманалиев билдирди. Айтымында, Мамматрезерв фондунда 2010-жылдын 1-апрелинен 2012-жылдын 1-январына чейинки карыздардын көлөмү 1 миллиард 266 миллион 200 миң сомду түзгөн. Бул карыздар уурдоолордун натыйжасында келип чыккан. “Бул фактылар боюнча кылмыш иши козголгон, бирок азыркыга чейин тиешелүү жетекчилер иштен алынып, жазаланган эмес”, деди ал.