Ала-Бука районунда тургунду дубинка менен сабап, 100 миң сом талап кылган уюшкан кылмыштуу топтун мүчөсү кармалды

Ала-Бука районунда тургунду дубинка менен сабап, 100 миң сом талап кылган уюшкан кылмыштуу топтун мүчөсү кармалды. Бул тууралуу бүгүн, 13-июлда ИИМдин басма сөз кызматы билдирди.

Маалыматка караганда, 1990-жылы туулган А.Н. аттуу жаран үстүбүздөгү жылдын март айында жергиликтүү тургундун үйүнө кирип, аны дубинка менен сабап, 100 миң сом талап кылган. Ыкчам иликтөө иштеринин натыйжасында кылмышка шектүү кармалып, убактылуу кармоочу жайга киргизилген. Анын үстүнөн “опузалап акча талап кылуу” беренеси боюнча кылмыш иши козголуп, иликтөө иштери жүрүүдө.

Ошондой эле кармалган шектүүнүн Ала-Бука районунда үч тургунду алдап, унаасын тартып алганы белгилүү болгон. Бул факт боюнча да “алдамчылык” беренеси менен кылмыш иши козголду.