Талас. Шаардык №5-мектепте окуучуну сабоо фактысы катталды

Талас шаарындагы №5-орто мектептин 5 окуучусу ошол эле мектептин окуучусун сабап, ал көрүнүштү өздөрү мобилдик телефондору менен тартышып, өспүрүмдөр арасында жайылтып жиберишкен. Жабыр тарткан окуучунун ата-энеси облустук деңгээлде түзүлгөн чыр-чатактардын алдын алуу боюнча облустук кеңешме комитетине кайрылышкан. Бул комитеттин жетекчиси, өкмөттүн Талас облусу боюнча өкүлүнүн орун басары Рыскелди Ботиков кезексиз жыйын өтүп, аталган көрүнүшкө тиешелүү мекеме, уюмдардын кызматкерлерин тик көтөрүп, тез арада чара көрүүнү талап кылууда.