СУПЕРСТАН: "Эркектер зына иштерине барарда өз эже-карындаштарын ойлошот бекен?"

SUPER.KG порталынын "Суперстан" бөлүмүндө "Эркектер зына иштерине барарда өз эже-карындаштарын ойлошот бекен?" деген тема талкууга алынууда.

Темадагы билдирүүлөр:

"Зына иштерден ар бир эркекти Кудайым алыс кылсын. Мен ошондой учурлар тууралуу алдын ала ойлоном. Ошол кырдаалга жеткирбегенге аракет кылам. Менде да толтура карындаштар бар, аларды ойлойм. Анча-мынча жигиттерге таң калам, бизде карындаш жок деп эле кете беришет экен. Бул туура эмес нерсе, карындашы жок болсо келечектеги кызына зыяны тийип калышы толук мүмкүн. 3 мүнөттүк жыргал үчүн бир кыздын тагдырын талкалоодон алыс бололу. Башка кыздарды да өз эже-карындаштай сыйлайлы".

"Зынага барбаш керек, эгер бара турган болсоң, баары бир эжеңеби, карындашыңабы же бир тууганыңа кайтып келет. Мен зынага жологон эмесмин жана жолобойм дагы".

"Зына деген - бул карыз. Сен бүгүн зына кылсаң, ошол карызды эже-карындашың төлөп калышы мүмкүн".

"Зына кылба, зынаң эже-карындашыңдан кайтып калбасын" дегенди эркектерди зынадан тыюу максатында айтылчу сөз катары эсептейм. Себеби сен бүгүн бирөөнүн эже-карындашын бузуп жатасың. Эртең сенин да эже-карындашыңды башка бир эркек бузуп коюусу мүмкүн экенин унутпа".

"Эркектердин компаниясына кошулуп алганым туура эмес, бирок менин каршылыгым бар. Ушул маанидеги окуялардын аягы дайыма эркек жаман иш кылган болсо, сөзсүз жубайы же эже-карындашы жаман ишке кабылган болуп калат. Эмнеге? Ооба, жамандын кесепети демекчи, жамандын кылыгы көпчүлүккө зыянын тийгизет. Балким, ошол кыз-келиндер зынага такыр жологусу келбегендир. Балким, алар түз жолдо жүрүшкөндүр. Эмне үчүн жакын адамы зына ишке барса, алар дагы зына ишке кабылыш керек?"

Талкууга кошулгуңуз келсе, бул жакка кириңиз.