Талас. Маймакка поезддер токтобой, карапайым эл жабыр тартууда

Орусия-Казакстан-Кыргызстан темир жол каттамындагы жүк ташуучу поезддер Маймак темир жол бекетине токтобой калганына байланыштуу таластык дыйкандардын 10 000 тоннадан ашуун кант кызылчалары кургап, күйүүчү май кымбаттап, көмүрдүн баасы көтөрүлдү. Чыдамы кеткен эл "Кайыңды Кант" заводунун Маймактагы филиалына чогулуп, өкмөткө, президентке, депутаттарга нааразычылыгын айтышууда.