СУПЕРСТАН: "Сүйбө дедиң сүйөрүмдү билип туруп, сүйүп турган жүрөгүмдү күйүктүрүп..."

SUPER.KG порталынын "Суперстан" бөлүмүндө "Сүйүү жөнүндө лирикалар" деген тема талкууга алынууда.

Темадагы билдирүүлөр:

"Өзүңдөн көңүл калып сыздап турам,
Өзгөдөн күтпөгөндү сенден угам.
Өзөгүм жалын болуп күйүп турду,
Өкүнөм жүрөгүмө сени туйган".

"Сүйбө дедиң сүйөрүмдү билип туруп,
Сүйүп турган жүрөгүмдү күйүктүрүп.
Мейли сүйбөйм, бирок кантип түшүндүрчү,
Жалындаган жан дүйнөмдү буулуктуруп".

"Бир бүтүн экөөбүз тең, эки жарым,
Бак аралап жетелесем сени, жаным.
Билесиңби көкүрөктө бирге соккон,
Өчпөс жазуу жалгыз гана сенин атың".

"Алыстык арабызды бөлүп турат,
Жүрөгүм сагынычка толуп турат.
Түндөсү асман карайм, жылдыз санайм,
Себеби алар бизди жолуктурат".

"Жүрөктө үндөр айтат "сагындым" деп,
Жүргөндөй мен бирөөнү издеп-издеп.
Жакшырткан бул жашоомо боёк берип,
Жалгыз бир жанды ойлоп, аны эстейт.

Жүрөгүм, сени урушуп, тыя албаймын,
"Сагынба" деп сагынчыңды кыя албаймын.
Акылым баш ийгендей коштоп турат,
Болбосунчу келечекке бир арманым.

Жараткан белек кылды бул сезимди,
Жан дүйнөм кабыл алып ал чечимди.
Азгырып алып кетпес эч бир күчтөр,
Ашыктык, жылуулукту, сезимимди..."

Сүйүү жөнүндө лирикаларды жазып, талкууга кошулгуңуз келсе, бул жакка кириңиз.