Италияда 94 жаштагы кемпир уул төрөдү

Италияда 94 жаштагы кемпир 3 килограмм салмактагы уул төрөдү. Бул тууралуу чет элдик басылмалар жазып чыгышты.

Маалыматка ылайык, Италиянын Неаполь шаарында Анжелина аттуу 94 жаштагы кемпир көз жарды. Анын наристесинин салмагы 3 килограмм болгон. Маалымат булактарында кемпирдин наристесинин уул экени айтылууда. Буга чейин кемпирдин кош бойлуу экендиги билинген эмес.

Анжелина биринчи жолдошунан 24 жашында ажырап, жалгыз калган. Ал 50 жыл бою жалгыз жашап келген. Учурда 70 жаштагы экинчи жолдошу менен Неаполдун четинде жашайт.

“Жалгыз жашап көнүп, анчалык запкы жеген эмесмин. Бала жыттабай калганымды арман кылып келген элем. Буга чейин бала тилеп Кудайга жалбарып келгем. Тилегим орундалды”, - деп Анжелина жергиликтүү басылмаларга маалымат берген.

Ал эми дарыгерлер кемпирдин ден соолугун өтө кылдаттык менен текшерип, баланы кесарево жолу менен жарыкка алып келишкен. Оорукананын жетекчиси мындай окуя акыркы 100 жылда экинчи жолу эле болуп жатканын айткан.

Мындан ары 94 жаштагы эне жана бала дарыгерлердин көзөмөлүндө болот.