Казакстандагы окуяларга байланыштуу өлкө аймагындагы тиешелүү мекемелерге күчөтүлгөн тартипте иштөө тапшырмасы берилди

Казакстандагы окуяларга байланыштуу өлкө аймагындагы тиешелүү мекемелерге күчөтүлгөн тартипте иштөө тапшырмасы берилди. Бул тууралуу бүгүн, 18-июлда SUPER.KG порталына УКМКнын басма сөз кызматынан билдиришти.

"Казакстандагы окуяларга байланыштуу Кыргыз Республикасынын бардык терроризмге каршы субъектилери, министрликтери жана ведомстволорго өлкөнү коргоого терроризмге каршы күчөтүлгөн чараларды көрүү тапшырмасы берилди", - деп билдиришти УКМКдан.

Айта кетсек, бүгүн Алматы шаарында орун алган атышуудан кийин Кыргыз Республикасы-Казакстан чек арасындагы көзөмөл пункттары күчөтүлгөн тартипте көзөмөлдөнүүгө өттү. Чек ара кызматынын төрагасы Абдикарим Алимбаев: "Алматы бизден алыс эмес жайгашкан, андыктан биз көзөмөлдү күчөтүшүбүз керек", - деп билдирген.