Индия борбор шаарыбызга медициналык борбор ачууну сунуштоодо

Индиянын компанияларынын бири Бишкекте заманбап, жогорку технологиялык оорукана ачууну көздөп жатат. Бул тууралуу Саламаттыкты сактоо министрлигинин басма сөз кызматы билдирди.

Негизинен оорукана гинекология, нефрология, физиология, неврология жана кардиология багытында иш алып бармакчы. Ооруканада Индия жана Кыргыз Республикасынын жогорку квалификациядагы дарыгерлери иштей турганы айтылууда. “Адистер менен алмашуу эки тараптуу сүйлөшүүлөрдүн негизинде болуусу зарыл. Дегеним, аталган ооруканада иштей турган дарыгерлер теңме-тең болушу керек. Биз тараптан болгон колдоо көргөзүлөт, бирок кыргыз жана индиялык дарыгерлердин саны бирдей болушу керек”, - деди министр Талантбек Батыралиев. Ошондой эле министр бул медициналык борборду тез арада ачып, бейтаптарга жеткиликтүү дарылануу мүмкүнчүлүгүн түзүү зарыл экенин, өлкөбүздүн дарыгерлеринин Индиянын алдынкы ооруканаларында тажрыйба алуусуна кызыкдар экенин белгиледи.