Түркиянын президенти өлкөдө 3 айга өзгөчө кырдаал киргизилгенин жарыялады

Түркиянын президенти Режеп Тайип Эрдоган өлкөдө 3 айга өзгөчө кырдаал киргизилгенин жарыялады. Бул тууралуу чет элдик маалымат каражаттары жазып чыгышты.

"Түркияда аскердик төңкөрүш кылууга жасалган аракеттерден кийин, өлкө мыйзамынын 120-беренесине ылайык, 3 айга өзгөчө кырдаал киргизилет. Бул кадам жарандардын укугун жана эркиндигин камсыздоо максатында жасалууда", - деп билдирген президент Коргоо кеңешинин жана өкмөттүн жыйынында.

Эскерте кетсек, 16-июлга караган түнү аскерлердин тобу бийликти басып алууга аракеттенген. Акыркы расмий маалыматка ылайык, ишке ашпай калган мамлекеттик төңкөрүштө 290 адам мерт болуп, төңкөрүшкө тиешеси бар деп 9332 адам кармалган.