Супер-Инфо
super.kg видео
Эл аралык "Азия балдары" оюндарында кыргыз спортчулары 17 медаль тагынышты
Жаштар иштери, дене тарбия жана спорт мамлекеттик агенттигинин директору Канат Аманкулов кечээ, 21-июлда Эл аралык "Азия балдары" оюндарында ийгилик жараткан спортчуларды кабыл алды. Ал өз кезегинде өлкө желегин желбиретип жаткан спортчуларга ийгилик каалап, ыраазычылык билдирди. Бул тууралуу аталган агенттиктен кабарлашты.
Кошумчалай кетсек, VI Эл аралык "Азия балдары" мелдеши 6-17-июль аралыгында Якутияда өткөрүлгөн. Ага 35 мамлекеттен 2 миңден ашык спортчу катышып, 22 спорт түрүнөн 211 комплект медаль ойнотулган. Кыргыз спортчулары жалпысынан 17 медаль тагынышты (3 алтын, 2 күмүш, 12 коло).
Алтын медаль тагынган спортчулар:
Денис Петрашов (сууда сүзүү, 200 метр, брасс стили), Кубанычбек Айбек уулу (дзюдо, 46 килограмм салмакта), Ильгиз Матмусаев (бокс, 57 кг).
Күмүш медаль тагынган спортчулар:
Денис Петрашов (сууда сүзүү, 100 метр, брасс стили), Нургазы Жанбосунов (самбо, 42 кг).
Коло медаль тагынган спортчулар:
Футбол боюнча өспүрүмдөр курамасы, Мария Тимошенко (Якутиянын улуттук оюну ыстанга), Сансанза Хамид (дзюдо, 60 кг), Адил Мырзаев (дзюдо, 66 кг), Тайырбек Жумашбек уулу (эркин күрөш, 38 кг), Дастанбек Ормонов (бокс, 48 кг), Санжар Сейдакматов (бокс, 52 кг), Урмат Бектурсунов (бокс, 75 кг), Сүйүнбек уулу Сулайман (бокс, 70 кг), Алияр Юбуров (таэквондо, 73 кг), Темирлан Молдорозов (мас-рестлинг, 74 кг), Арсланбек Турдубеков (мас-рестлинг, 74 кг).
Кыргыз спортчулары командалык эсепте 12-орунду ээлешти.
0
1 |