Бишкек жана Чүйдө кылмыш кылууга камынган "Такфир-Жихад" диний багытын карманган чет өлкөлүк жаран кармалды (фото)

Бишкек шаарында жана Чүй облусунда кылмыш кылууга камынган "Такфир-Жихад" диний багытын карманган чет өлкөлүк жаран кармалганын Бишкек ШИИББинин маалымат кызматы 22-июлда билдирди.

Маалыматка таянсак, Бишкек ШИИББинин 10-Башкармалыгынын кызматкерлери атайын жүргүзүлгөн
иш-чаранын негизинде Чүй облусунда убактылуу жашоо үчүн Кыргыз мамлекетине учуп келген "Такфир-Жихад" диний багытын карманган чет өлкөлүк жаранды 21-июлда Бишкектен кармашты.

Кармалган адам Бишкек шаарынын жана Чүй облусунун аймагында кылмыш жасоого даярданган. Анын жанынан медициналык бет кап, жасалма чач, ок атуучу курал, ок жана диний мазмундагы DVD-дисктер табылды. Бул факт боюнча кылмыш иши козголуп, ал Бишкек ШИИББинин убактылуу кармоочу жайына киргизилди. Алынган далилдүү материалдар боюнча экспертиза дайындалды.