Баткенде 31-августка чейин ишембилик жарыяланды

Баткен облусунда 22-июлдан 31-августка чейин ишембилик жарыяланганын Баткен облустук администрациясынан 25-июлда кабарлашты. Иш-чара өлкөнүн көз карандысыздыгынын 25 жылдыгына даярдык көрүү максатында уюштурулууда. Бул тууралуу буйрукка өкмөттүн Баткен облусундагы өкүлү Абиш Халмурзаев кол койгон. Ага ылайык, облус аймагындагы район, шаарлардын жана калк жашаган элдүү пункттардын айлана-чөйрөсүн, ички жана райондор аралык жолдорду тазалоо, иретке келтирүү жана санитардык жактан тазалоо иштери жүргүзүлөт. 22-июлда ишембилик иши башталды.