Пара алды деп шектелип Жалал-Абад мамлекеттик университетинин окутуучусу кармалды

Жалал-Абад мамлекеттик университетинин Т.Т. аттуу окутуучусу пара алган деп шектелип, 8-апрелде кармалды. Бул тууралуу ИИМдин басма сөз кызматы билдирди. Маалым болгондой, аталган окутуучу жергиликтүү тургундан диплом алып берүү үчүн 100 доллар талап кылган. Мындан сырткары ал 2013-жылдын март айында да 20 000 сом пара алгандыгы белгилүү болду. Ал эми мугалимди тинтүүгө алганда жанынан 5000 сом табылган. Учурда териштирүү иштери жүрүп жатат, айыпталуучу үй камагында.