Ала-Бука районунда 46 мектеп толугу менен оңдоп-түзөөдөн өткөрүлүп, жаңы окуу жылына даяр

Ала-Бука районунда 46 мектеп толугу менен оңдоп-түзөөдөн өткөрүлүп, жаңы окуу жылына даяр. Бул тууралуу бүгүн, 26-июлда SUPER.KG порталына Ала-Бука райондук билим берүү бөлүмүнүн башчысы Чынара Турдукулова билдирди.

"Бүгүнкү күндө 46 мектеп толугу менен оңдоп-түзөөдөн өткөрүлдү. Райондук билим берүү бөлүмү тарабынан атайын комиссия түзүп, мектептердин жаңы окуу жылына карата даярдыгын текшерип чыктык. Азыркы учурда райондогу бардык мектеп толугу менен жаңы окуу жылына даяр", - деп кошумчалады Чынара Турдукулова.

Ала-Бука райондук билим берүү бөлүмүнүн башчысынын айтымында, учурда район боюнча мамлекеттик бюджеттен 3 мектеп курулууда. Алар: 1-Май айыл аймагында 150 орундуу, Өрүктү айыл аймагында 150 орундуу жана Ак-Коргон айыл аймагындагы 270 орундуу мектептин курулушу.