СУПЕРСТАН: "Катын алсаң Ноокаттан, кыйналбайсың оокаттан"

SUPER.KG порталынын "Суперстан" бөлүмүндө "Кайсы аймактын кыздарына үйлөнгүңөр келет, жигиттер?" деген тема талкууга алынууда.

Темадагы билдирүүлөр:

"Катын алсаң Ноокаттан, кыйналбайсың оокаттан" демекчи, ар жактын кыздары ар башка эмеспи. Кызыл-Кыя, кадамжайлык кыздар шогураак келишет деп угам. Өзгөндүк кыздар өрт келет, таластык кыздар сексуалдуу болот дешет. Ысык-Көлдүн кыздары ак куудай керилген, сууда балыктай ойнойт дешет. Чүйлүк кыздар орус чалыш болот деп айтышат экен".

"Бабаларыбыздан калган "кан алмаштырып, эл ашып үйлөнсөң жолборс төрөлөт, аба алмашып, тоо ашып үйлөнсөң карышкыр төрөлөт, айыл ашып барып үйлөнсөң күчүк төрөлөт" деген сөз бар".

"Кыздарга тиешелүү макал бар го, "жер тандабай эр танда" деген, анын сыңарындай эле биз дагы үйлөнөрдө жердигине көп маани бербешибиз керек. Жаман эл болбойт, жаман адам болот".

"Эрге тийсең Ноокатка, эч тойбойсуң оокатка" деп бирөө айтып жатты эле".

"Кадамжайдын кыздары шок, өзгөндүк кыздар өрт болот" деген сыяктуу сөздөргө көп маани бербей эле койгонубуз жакшы".

Талкууга кошулгуңуз келсе, бул жакка кириңиз.