Супер-Инфо
super.kg видео
Өзбекстанда жынысын алмаштырууга ниеттенген кыздын денесинен 90 пайыз эркектин гормондору табылган
Өзбекстанда жынысын алмаштырууга ниеттенген кыздын денесинен 90 пайыз эркектин гормондору табылган. Бул тууралуу жергиликтүү маалымат булактары жазып чыгышты.
Ал маалымат булактарынын бирине берген маегинде эркек болууну эңсеп жатканын билдирген. Айым өзүн физикалык жана психологиялык жактан эркек сезерин, бирок документтеринде аял катары жазылганын айткан.
Жынысын алмаштырууга ниеттенип жаткан айым 2009-жылы жеңил атлетика боюнча Өзбекстан чемпиондугун жеңип алган. Медициналык текшерүү учурунда дарыгерлер анын денесинен эркектин белгилери аялдыкына салыштырмалуу көп экенин аныкташкан. Ушул себептерге байланыштуу кыз эл аралык мелдештерге катыша албай келет.
Дарыгерлер кыздын денесинде 90 пайыз эрекектин гормондору бар экенин айтышкан.
"Ташкенттеги Эндокринология борборунда дарыгерлер менин денем аялдыкы эмес экенин билдиришкен. Бала кезимден эле балдар менен көбүрөөк тил табышчумун. Сырткы келбетим жана ички дүйнөм балдардыкындай", - деп билдирген ал.
Жынысын алмаштырууга ниеттенген кыз Анжиян облусунда чоңоюп, соңку 4 жылдан бери Орусияда жашайт.
Ал өз сөзүндө: "Өзбекстанда кыз катары жүрүү өтө оор. Дарыгерлер мени УЗИден өткөрүшүп, организмим аялдыкы эместигин аныкташты. Ага карабай толтура дары жазып беришкен, ата-энем дарыларды ичүүгө мажбурлаган", - деп айткан.
-2
1 |