Түркиянын премьер-министринин Кыргызстанга болгон иш сапары башталды

9-апрель күнү кечинде Кыргызстанга Түркиянын премьер-министри Режеп Тайип Эрдогандын учагы келип конду. Сыйлуу конокту "Манас" аэропортунан премьер-министр Жантөрө Сатыбалдиев тосуп алды. Бүгүн, 10-апрелде Түркия өкмөт башчысы президент Алмазбек Атамбаев, премьер-министр Жантөрө Сатыбалдиев, Жогорку Кеңештин төрагасы Асылбек Жээнбеков менен жолугушуп, тараптар сүйлөшүүлөрдү жүргүзүшөт. Ушул эле күнү Стратегиялык кызматташтыктын Жогорку Кеңешинин экинчи жыйыны болуп, ага эки өлкөнүн өкмөт башчылары жана президент Алмазбек Атамбаев катышат.