2013-жылдын 7-октябрында Каракол шаарындагы баш аламандыкка катышкандардын бири кармалды

2013-жылдын 7-октябрында Каракол шаарындагы баш аламандыкка катышкандардын бири кармалды. Бул тууралуу бүгүн, 1-августта УКМКнын басма сөз кызматы билдирди.

Маалыматка караганда, 1971-жылы туулган Ж.К. мурда козголгон кылмыш иштин негизинде 30-июль күнү кармалып, убактылуу кармоочу жайга киргизилген.

"Мурда козголгон кылмыш иштери боюнча иликтөө иштери жүрүп, анын негизинде Ж.К. кармалды", - деп билдирди УКМКнын басма сөз кызматы.

Айта кетсек, 2013-жылдын 7-октябрында Каракол шаарында баш аламандык орун алып, анда ошол учурдагы өкмөттүн Ысык-Көл облусундагы өкүлү Эмилбек Каптагаев барымтага алынган. Мунун негизинде “барымтага кармоо”, “массалык баш аламандык”, “мамлекеттик кызматкердин өмүрүнө кол салуу” беренелери боюнча кылмыш иши козголгон.