Бишкек шаарында милициянын каттоосунда турган жашы жете элек өспүрүмдөр арасында спорттук мелдеш старт алды

Бишкек шаарында милициянын каттоосунда турган жашы жете элек өспүрүмдөр арасында спорттук мелдеш старт алды. Бул тууралуу бүгүн, 2-августта мэриянын басма сөз кызматынан билдиришти.

Маалым болгондой, спорттук мелдеште каттоодо турган балдар спорттун 6 түрү боюнча күч сынашат. Алар: кичи футбол, стол тенниси, сууда сүзүү, дартс, бука тартыш жана таяк тартыш. Балдардын шамдагайларын аныктаган мелдеш 5-августка чейин созулат.

"Иш-чаранын башкы максаты балдар арасында укук бузууларды алдын алуу жана өспүрүмдөрдү спортко, сергек жашоого үндөө болуп саналат. Мелдешке райондук Спартакиададан биринчи орундарды алгандар жана Бишкектин төрт районунан келген окуучулар катышат", - деп кошумчалады басма сөз кызматы.