II Дүйнөлүк көчмөндөр оюндарынын расмий проморолиги жарыяланды

II Дүйнөлүк көчмөндөр оюндары тууралуу маалымат берген расмий роликти Дүйнөлүк көчмөндөр оюндарынын катчылыгы интернетке таратты.

Роликтин узактыгы жалпысынан 1 мүнөткө жакын, анда көчмөн эл октой учкан эл экени айтылып, кылымдар аралыгында өзүнүн маданиятын, оюндарын, салт-санаасын сактап калганы жана мунун баары туруктуу, сабырдуу, ынтымактуу, эр жүрөк болууга тарбиялаганы тууралуу айтылган. "Ата-бабалардын мурасына күбө болуп, эркиндиктин даамын сез" деген тариздеги чакырык менен аяктайт.

"Euronews" телеканалы II Дүйнөлүк көчмөндөр оюндарынын расмий ролигин көргөзөт. Бул тууралуу президент Алмазбек Атамбаев Чолпон-Атада өткөн маалымат жыйынында кабарлап, Кыргыз Республикасы адамдары, бай тарыхы жана бүгүнкү күндөгү бараткан жолу менен кызыктуу экенин белгиледи.

Эске салсак, II Дүйнөлүк көчмөндөр оюндары 3-сентябрдан 8-сентябрга чейин Ысык-Көл жээгинде өтөт. Анда 20дан ашык өлкө оюндарга катышарын билдирип, программага спорттун 26 түрү кирди.