Жазуучу Шатман Садыбакасовдун 80 жылдыгы белгиленет

11-апрелде борбор шаардагы Улуттук китепканада белгилүү жазуучу, драматург Шатман Садыбакасовдун 80 жылдыгы белгиленет. Иш-чарада “Жазганы курч, тили жорго башкача, Залкар эле өмүр сүргөн таптаза” аттуу китеп көргөзмө өтө турганын аталган китепканадан билдиришти. Айта кетсек, Ш.Садыбакасов гезит-журналдарда кызматкер, кийин жооптуу редактор болуп эмгектенген. Алгачкы китеби “Пейил” деген ат менен 1958-жылы басмадан чыккан. Жазуучунун көптөгөн чыгармалары орус жана башка тилдерге которулган.