ЖЫЛНААМА, 12-АВГУСТ: "Өздүк майрамды белгилөөгө маанай жок" дейт ырчы Роза Шакирова

Көпчүлүккө "Карабачы", "Үйлөнүү той", "Алдым ыйлап" жана башка ырлары менен белгилүү болгон Роза Шакирова бүгүн, 12-августта 38-туулган күнүн белгилеп жатат. Ырчыны туулган күнү менен куттуктап байланышка чыксак, ыраазычылыгын билдирип, акыркы жылдары өздүк майрамын шаңдуу өткөрбөй жатканын айтты.

"Жашым өтүп жатат деп бир аз капаланып жатамбы билбейм, эмнегедир майрамдоого маанай жок. Азыр маанайымды көтөрүү үчүн дүкөн кыдырып жүрөм. Жакын дос-туугандардан куттуктоолор келип жатат. Азырынча кайсы жерде белгилей турганым белгисиз, пландай элекмин", - дейт ырчы.

"Канчага чыктың?" деген суроого жашымды айткым келбейт. Былтыр үйдө отурсам, жолдошум келип тамактанып келели деп калды. Ал айткан жакка барсак, дос-курбуларыбыз да чогулуп отурушуптур. Быйыл жолдошум куттуктаганы менен, кайсы жакка барарыбызды айткан жок. Мүмкүн, азырынча сыр тутуп жаткандыр", - деп билдирди Роза Шакирова.

12-августтун жылнаамасы.