Борбордо "алдамчылык жолу менен жарандын унаасын тартып алган" деген шек менен шаар тургуну кармалды

Борбор калаада "алдамчылык жолу менен жарандын унаасын тартып алган" деген шек менен шаар тургуну кармалды. Бул тууралуу бүгүн, 12-августта Бишкек шаардык ички иштер башкы башкармалыгынан билдиришти.

Маалыматка ылайык, милицияга арыз менен 33 жаштагы К.А. кайрылган. Анда ал 2015-жылдын 18-сентябрь күнү Э. аттуу жаран анын ишенимине кирип, Mercedes-Benz A 160 үлгүсүндөгү унаасын алган бойдон изин жашырып кеткенин билдирген. Жүргүзүлгөн иликтөө иштеринин алкагында кылмышка шектүү катары 22 жаштагы Б.Э. кармалган. Учурда бул факт боюнча териштирүү иштери жүрүүдө.