СУПЕРСТАН: "Үйдө отурган келиндерге эң эле жакшы өнөр - кийим тигүү"

SUPER.KG порталынын "Суперстан" бөлүмүндө "Тикмечилик колуңуздан келеби?" деген тема талкууга алынууда.

Теманы ачкан колдонуучунун суроосу:

"Тигүүчү машина менен ар кандай нерселерди тиге аласыңарбы? Тикмечиликти кантип тез арада үйрөнсө болот? Үйдө отурган келиндерге эң эле жакшы өнөр - кийим тигүү. Мен курстарга барып, тикмечиликти үйрөнөйүн деп жатам. Кайсы окуу борборлорунда жакшы үйрөтүшөт, канча убакытта үйрөнүп кетсе болот?"

Темага калтырылган жооптор:

"Мен өзүмө кош бойлуулар үчүн ыңгайлуу көйнөктөрдү, халат, шым тигип кийгим келет. Ошондой эле балдарыбызга чак болгондой шейшептерди да тиксем деп ойлойм".

"Мен ийне кармай албайм, кызыкпайм дагы. Бирок үйрөнүшүм керек деп отурам".

"Менин колумдан жаралган көйнөктөрдү эжемдин, агамдын кыздары жакшы көрүп кийип алышат. Бирок көйнөк тиккенге караганда, курак кураганга көбүрөөк устамын".

"Мен ушул өнөрдү үйрөнүш үчүн 5 жыл окудум. Көп эле нерсе тиктим, бирок апама эч нерсе тигип бере элекмин. Автор, кийим тиккен курстарга караганда парда тигүү боюнча окусаңыз жакшы болот деп ойлойм".

Талкууга кошулгуңуз келсе, бул жакка кириңиз.