SUPER.KG порталы сиз үчүн сынак жарыялайт!

Кечээ эле там-туң басып, тушоосу кесилген сиздин сүйүктүү порталыңыз SUPER.KG`ге быйыл 10 жыл болду. Мына ушундай 10 жылдык мааракенин урматына колдонуучулар үчүн сынак жарыяланганын кабарлайбыз.
Катышуучу порталдын 10 жылдыгынын урматына куттуктоо жасашы керек. Куттуктоону видеоформатта жөнөтүү талап кылынат. Видеону ыр түрүндө, обону менен, жалгыз өзү же команда менен, ар түрдүү жайларда, ар түрдүү жанрда, айтор, фантазиясына жараша кызыктуу жана оригиналдуу кылып тартса болот. Даяр болгон эмгегиңизди admin@super.kg электрондук дарегине же +996557756342 WhatsApp номерине жөнөтөсүз. Сынак 2016-жылдын 16-августунда старт алып, 16-ноябрга чейин уланат. Видеону жөнөтүп жатканда катышуучу аты-жөнүн толук жазып, телефон номерлерин сөзсүз көрсөтүшү керек.
Видеосынактын шарттары:
1. Видеонун узактыгы 3 мүнөттөн ашпашы керек;
2. Видеону колдон келишинче сапаттуу тартуу керек;
3. Видеодогу куттуктоонун мазмунуна, маанисине жараша да баа берилгендиктен, уйкаштык, позитивдүү маанай, маани-маңызы дагы сакталышы шарт.
Жеңүүчүлөрдү SUPER.KG порталынын редакциялык кеңеши аныктап, 10 мыкты катышуучуну иргеп алат. Тандалып алынган 10 катышуучунун эмгектери SUPER.KG порталына добуш берүүгө коюлат. Добуш берүүнүн жыйынтыгы менен мыкты делген 3 жеңүүчү тандалып алынат.
Байге фонду:
1-орунга ноутбук
2-орунга планшет
3-орунга уюлдук телефон
Жеңүүчүлөргө ыйгарылчу белектер декабрь айында SUPER.KG порталынын 10 жылдыгына карата уюштурулган концерттик программада сахнадан тапшырылмакчы.
Эмесе, чамдаңыздар! Бардык катышуучуларга чыгармачылык ийгилик каалайбыз!
кошулду


Силердин артынар менен акча топтоп ошондой ноутбукту сатып эле алсамбы...
Суперде акыйкаттык болсо Саясат болумуно талкуу жабык дкмек эмес!
Бул бир типа Реалити шоу, элдин конулун башка жакка буруп алдоо.