Рио-2016: Голландия медалдардын саны боюнча алдынкы ондукка кирди, Америка ат чабым алдыга чыкты

"Рио-де-Жанейро-2016" Олимпиадасында 17-августка караган түнү, мелдештин он биринчи күнүндө 25 комплект медаль ойнотулууда. Американын спортчулары жакынкы атаандаштарынан ат чабым алыстап баратышат.

Америкалыктар жалпы 84 медаль утушту. Ал эми жеңил атлеттери Олимпиадага катышпай калган шартта Орусия алдынкы үчтүккө кирүүдө кыйынчылыкка туш болгонун байкоого болот. Бул күндөрдөгү башкы окуялардын бири Голландия өлкөсүнүн алдынкы ондукка киргени болду.

Коңшулаштар жана үй ээси тууралуу сөз кыла турган болсок, Казакстан 10 медалы менен 20-орунду ээлеп турат. Бразилия 11 медалы менен 15-орунда, ал эми Өзбекстан 30-орунда атын жазып келүүдө.

Жалпы 207 мамлекеттин ичинен 76 мамлекеттин спортчулары медаль тагынышты. Карамагындагы 1 коло медалы менен Кыргыз Республикасы 68-орунда келүүдө.

1. АКШ - 84 медаль (28 алтын, 28 күмүш, 28 коло)

2. Улуу Британия – 50 медаль (19 алтын, 19 күмүш, 12 коло)

3. Кытай – 51 медаль (17 алтын, 15 күмүш, 19 коло)

4. Орусия – 38 медаль (12 алтын, 12 күмүш, 14 коло)

5. Германия - 26 медаль (11 алтын, 8 күмүш, 7 коло)

6. Италия - 23 медаль (8 алтын, 9 күмүш, 6 коло)

7. Голландия - 14 медаль (8 алтын, 3 күмүш, 3 коло)

8. Франция - 29 медаль (7 алтын, 11 күмүш, 11 коло)

9. Австралия – 24 медаль (7 алтын, 8 күмүш, 9 коло)

10. Япония – 29 медаль (7 алтын, 4 күмүш, 18 коло)

15. Бразилия – 11 медаль (3 алтын, 4 күмүш, 4 коло)

20. Казакстан – 10 медаль (2 алтын, 3 күмүш, 5 коло)

30. Өзбекстан - 6 медаль (2 алтын, 4 коло)

69. Кыргыз Республикасы - 1 медаль (1 коло)