Баткенде аскердик жана альтернативдик кызматтар жөнүндө мыйзам талкууланды

Өкмөттүн Баткен облусундагы өкүлчүлүгүндө "Жарандардын жалпыга бирдей аскердик милдеттүүлүгү, аскердик жана альтернативдик кызматтар жөнүндө" мыйзамына өзгөртүүлөрдү киргизүү жөнүндөгү мыйзамдын талаптарын жеткирүү боюнча маалымат жыйыны өттү. Бул тууралуу облустук администрациядан 23-августта кабарлашты.

Жыйынга өлкөнүн Коргоо иштери боюнча комитетинин өкүлү С.Бодобаев, Баткен районундагы айыл аймак башчылары, аскердик каттоо инспекторлору, райондук жана шаардык мекеме-ишканалардын өкүлдөрү катышты. Жыйындын жүрүшүндө Бодобаев мыйзамга киргизилген өзгөртүүлөр, тактап айтканда, аскердик кафедра, аскердик жана альтернативдик кызмат жана мамлекеттик төлөмдөр тууралуу маалымат берди.