Түштүк Сахалиндеги атайын кармоочу жайда асынып алган кыргыз жаранынын аты-жөнү тактала элек

Түштүк Сахалиндеги атайын кармоочу жайда асынып алган кыргыз жаранынын аты-жөнү тактала элек. Бул тууралуу бүгүн, 23-августта Кыргыз Республикасынын Орусиядагы элчилигинен SUPER.KG порталына билдиришти.

Элчиликтин өкүлү Гүлбарчын Байымбетова: “Тиешелүү органдарга кат жөнөтүлдү. Азырынча атайын кармоочу жайда асынып алган кыргыз жараны боюнча жооп келе элек”, - деди.

Ал эми айрым маалымат каражаттары асынып алган жарандын 1990-жылы туулган Э.А. экенин жана ал өзү жашаган батирге мас абалда терезесинен кирип жаткан учурда кармалганын жазышууда.

Айта кетсек, Түштүк Сахалиндеги административдик жазага тартылгандарды кармоочу атайын жайга кыргыз жараны алынып келинген. Кийин анын асынып алганы белгилүү болгон. Каза тапкан жарандын аты-жөнү жана Орусиянын аймагындагы укуктук абалы такталууда.