Филиппиндик балыкчы 100 миллион долларлык берметти 10 жыл үйүндө жашырып жүргөн

Филиппиндин Палаван аралындагы балыкчы 10 жыл бою дүйнөдөгү эң чоң бермет катары таанылчу берметти керебетинин алдында жашырып жүргөн. Балыкчы берметти 2006-жылы деңиздеги катуу шамал болгон учурда таап алган. Ошондон кийин аны талисман деп эсептеп, эч кимге көрсөтпөй жашырып жүргөн. Табылган бермет 34 килограммды түзүп, болжол менен 100 миллион долларга бааланууда, бирок балыкчы анын мынчалык баалуу экенин билген эмес. Ал өзү жашаган алачык күйүп кеткенден кийин гана табылгасын башкаларга көрсөтүүнү чечкен. Бул тууралуу чет элдик басылмалар жазып чыгышты.

Маалыматтарда жогорудагы табылга буга чейин табылган берметтерден 5 эсе чоңдук кылары айтылат. Ал эми берметти таап алган балыкчыга кандай сыйлык берилгени белгисиз. Пуэрто-Принсеса шаарынын бийлиги берметти келген эс алуучуларды кызыктыруу жана көңүлүн бурдуруу үчүн сактап коюуну чечкени маалымдалат.