Быйыл айылдагы китепканаларга китеп сатып алуу үчүн өкмөт 3 миллион сом бөлөт

“Быйыл Маданият, маалымат жана туризм министрлиги айыл жергесиндеги китепканалардын фондун толтурууга 3 миллион сом бөлөт”. Бул маалыматты бүгүн, 11-апрелде аталган министрликтин басма сөз кызматы билдирди. Айта кетсек, учурда Кыргызстанда 1055 китепкана бар, анын ичинен 928и айыл жергесинде жайгашкан. Аларда балдарга арналган жана илим-техника боюнча кыргыз тилинде жазылган же кыргызчага которулган китептер жетишсиз.