Супер-Инфо
super.kg видео
ЭЛДИК КАБАР: "Акысыз берилүүгө келген дарылар дарыканаларда акчага сатылып жатат" деди окурман
Өзгөн райондук ооруканасынын жанындагы дарыканаларда муктаждарга акысыз берилүүчү Цефзим-Т3 дарылары 200 сомдон жогорку баада сатылып жатат. Бул тууралуу 24-августта SUPER.KG порталына окурман WhatsApp аркылуу кабарлады. Окурман мындай көрүнүшкө бир нече ирет туш болгонун айтты.
"Мен бул нерсеге бир канча жолу күбө болдум. Цефзим-Т3 дарысын эки күн мурун райондук оорукананын жанынан сатып алдым. Баасы 200 сомдон 290 сомго чейин болуп, ар кандай баада сатылып жатат, бирок "сатуу үчүн эмес" деген жазуусу турат. Мамлекеттин эсебинен оорулууларга акысыз берилүүчү дарылар ооруканадан кандай жол менен дарыканага сатыкка түшүп жатат? Эмне үчүн сатып жатышат?" - деп кайрылды окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
-1
1 |